<title xml:lang="sa">Mahābhārata southern recension City Central Library, Hyderabad 2015.326496 https://archive.org/details/in.ernet.dli.2015.326496

This southern rencension of the Mahābhārata Āraṇyakaparvan, by P. P. S. Śāstrī, was edited on the basis of five manuscripts, all from south India. In his introduction, Śāstrī replies to some criticisms of V. S. Sukthankar, whose first volume of the Mahābhārata critical edition had just been published.

This digital facsimile was part of the Digital Library of India. According to the file metadata, the physical copy was scanned at City Central Library, Hyderabad, in 2015.

 Āraṅyakaparvan 104–105 Madras Śāstrī, P. P. S., ed. 1933. The Mahābhārata (Southern Recension), Vol. IV — Āraṇyaka Parvan. Part I., Madras: V. Ramasamy Sastrulu & Sons. a manuscript of Brahma Sri Krishna Sastrigal, Palace Pauranikar, Trivandrum, November 1795 A.D. ka manuscript of His Highness the Maharaja of Travancore, 1667 A.D. kha manuscript of Mr. Krishnaswami Sastrigal Sub-Registrar, Tanjore District ga manuscript from Tinnevelly District, 1647 A.D. gha manuscript of Mr. Natesa Iyer of Kadayam village in Tinnevelly District, 1825 A.D.

IAST transliteration.

 jalāṃ cordhvajalāṃ caiva yamunām abhito nadīm | uśīnaro vai yatreṣṭvā vāsavād atyaricyata || 17 tāṃ devasamitiṃ tasya vāsavaś ca viśāṃ pate | abhyagacchata rājānaṃ jñātum agniś ca bhārata || 18 jijñāsamānau varadau mahātmānam uśīnaram | indraś śyenaḥ kapoto 'gnir_ bhūtvā yajñe 'bhijagmatuḥ || 19 ūruṃ rājñas samāsādya kapotaś śyenajād bhayāt | śaraṇārthī tadā rājan_ nililye bhayapīḍitaḥ || 20

iti śrīmahābhārate śatasahasrikāyāṃ saṃhitāyāṃ vaiyāsikyām_ āraṇyaparvaṇi caturadhikaśatatamo 'dyāyaḥ || 104 ||

|| 33 || tīrthayātrāparvaṇi ekaṣaṣṭitamo 'dhyāyaḥ || 61 ||

[ asminn adhyāye 20 ślokāḥ ]

|| pañcādhikaśatatamo 'dhyāyaḥ ||

śibiparīkṣaṇārthaṃ śyenībhutenendreṇānudrutasya kapotarūpadhāriṇo 'gneḥ śibiṃ prati śaraṇāgatiḥ || 1 || kapotarirakṣiṣayā rājñā śyenānumatyā svaśarīrotkṛttamāṃsasya kapotena saha tulāropaṇam || 2 || māṃsāpekṣayā kapotasya gauravātireke rājñā svayam eva tulārohaṇam || 3 || tatas tuṣṭābhyām indrāgnibhyāṃ tatpraśaṃsanapūrvakaṃ svalokagamanam || 4 ||

śyenaḥ —

dharmātmānaṃ tv ahur ekaṃ rājan_ sarve mahīkṣitaḥ | sa vai dharmaviruddhaṃ tvaṃ kasmāt_ karma cikīrṣasi || 1 vihitaṃ bhakṣaṇaṃ rājan_ pīḍyamānasya me kṣudhā | mā hīṃsīr dharmalobhena dharmam utsṛjya mā naśīḥ || 2

rājā —

saṃtrastarūpas trāṇārthī tvatto bhīto mahādvija | matsakāśam anuprāptaḥ prāṇagṛdhnur ayaṃ dvijaḥ || 3 evam asyāgatasyeha kapotasyābhayārthinaḥ | apradāne paro 'dharmaḥ kiṃ tvaṃ śyena prapaśyasi || 4 praspandamānas sambhrāntaḥ kapotaś śyena lakṣyate | matsakāśaṃ jīvitārthī tasya tyāgo vigārhitaḥ || 5

śyenaḥ —

āhārāt_ sarvabhūtāni sambhavanti mahīpate | āhāreṇa vivardhante tena jīvanti jantavaḥ || 6 śakyate puṣkalasyārthe cirarātrāya jīvitum | na tu bhojanam utsṛjya śakyaṃ vartayituṃ ciram || 7 bhakṣād vilopitasyādya mama prāṇā viśāṃ pate | visṛjya kāyam eṣyanti panthānam apunarbhavam || 8 pramṛte mayi sarvaṃ me putradāraṃ mariṣyati | rakṣan_ kapotaṃ rājaṃs tvaṃ bahūn_ prāṇān haniṣyasi || 9 bahūn_ yo bādhate dharmo na sa dharmaḥ kuvartma tat | avirodhī tu yo dharmas_ sa dharmas satyavikrama || 10 virodhiṣu mahīpāla niścitya gurulāghavam | na bādhā vidyate yatra taṃ dharmaṃ samupācaret || 11 gurulāghavam ājñāya dharmādharmaviniścaye | yato bhūyas tato rājan_ kuru dharmaviniścayam || 12

rājā —

bahukalyāṇasaṃyuktaṃ bhāṣase vihagottama | suparṇaḥ pakṣirāṭ_ kiṃ tvaṃ dharmaṃ jñātvā'bhibhāṣase || 13 tathā hi dharmasaṃyuktaṃ bahucitraṃ prabhāṣase | na te 'sty aviditaṃ kiñcid_ iti tvāṃ lakṣayāmy aham || 14 śaraṇaiṣiparityāgaṃ kathaṃ sādhv iti manyase || 14 || āhārārthaṃ samārambhas_ tava cāyaṃ vihaṅgama | śakyaś cāpy anyathā kartum_ āhāro 'py adhikas tvayā || 15 || govṛṣo vā varāho vā mṛgo vā mahiṣo 'pi vā | tvadartham atra kriyatāṃ yañ cānyad iha kāṅ_kṣase || 16 ||

śyenaḥ —

na varāhaṃ na cokṣāṇaṃ na mṛgān_ vividhāṃs tathā | bhakṣayāmi mahārāja kiṃ mamānyena kenacit || 17 || yas tu me daivavihito bhakṣaḥ kṣatriyapuṅgava | tam utsṛja mahārāja kapotam imam eva me || 18 || śyenāḥ kapotān_ khādanti śrūtistitir eṣā sanātanī | mā rājan_ mārgam ajñāya kadalīstambham āruhamārgam āsthāya kadaryastambham āruhasāratāṃ jñātvā kadalīstambham āruhamārgam ajñāya kadalīskandham āsajaḥ || 19 ||

rājā —

rāṣṭraṃ śibīnām ṛddhaṃ vai śādhi pakṣibhir arcitaḥ | kṛtsnam etan mayā dattaṃ rājavadvihagottama || 20 || yad_ vā kāmayase kiṃcic_ śyena sarvaṃ dadāni te | vinemaṃ pakṣiṇaṃ śyena śaraṇārthinam āgatam || 21 || yenemaṃ sthāpayethās tvaṃ karmaṇā pakṣisattama | tadācakṣva kariṣyāmi na hi dāsye kapotakam || 22 ||

śyenaḥ —

uśīnara kapote te yadi sneho narādhipa | ātmānaṃ susamutkṛtyaātmamāṃsaṃ samuddhṛtya kapotatulayā dhṛtam || 23 || yadā samaṃ kapotena tava māṃsaṃ narādhipa | tvayā pradeyaṃ tan mahyaṃ sā me tuṣṭir bhaviṣyati || 24 ||

rājā —

anugraham imaṃ manye yan māṃ śyenābhibhāṣase | tasmāt te 'dya pradāsyāmi svamāṃsaṃ tulayā dhṛtam || 25 ||

lomaśaḥ —

athotkṛtya svamāṃsaṃ tu rājā paramadharmavit | tulayāmāsa kaunteya kapotena samaṃ vibho || 26 || dhriyamāṇas tu tulayā kapoto 'tyatiricyate | punaś cotkṛtya māṃsāni rājā prādād uśīnaraḥ || 27 || na vidyate yadā māṃsaṃ kapotena samaṃ dhṛtam | tataḥ prakṣīṇamāṃso 'sāv āruroha tulāṃ svayam || 28 ||

śyenaḥ —

indro 'ham asmi dharmajña kapoto havyavāḍ ayam | jijñāsamānau dharmaṃ svaṃ imaṃ yajñam upāgatau || 29 || yat te māṃsāni gātrebhyas_ samutkṛttāni pārthivasamutkṛttāni viśāṃ pate | eṣā te śāśvatī kīrtir_ lokān abhibhaviṣyati || 30 || yāval loke manuṣyās tvāṃ kathayiṣyanti pārthiva | tāvat_ kīrtiś ca lokāś ca sthāsyanti tava sarvadā || 31 || tat_ pāṇḍaveya yajanaṃsadanaṃ rājñas tasya mahātmanaḥ | paśyasvaitanmayā sārdhaṃ puṇyaṃ pāpapraṇāśānam || 32 || atraiva satataṃ devā munayaś ca tapodhanāḥ | dṛśyante brāhmaṇā rājan_ puṇyavadbhir mahātmabhiḥ || 33 ||

iti śrīmahābhārate śatasahasrikāyāṃ saṃhitāyāṃ vaiyāsikyām āraṇyaparvaṇi pañcādhikaśatatamo 'dhyāyaḥ || 105 ||

|| 33 || tīrthayātrāparvaṇi dviṣaṣṭhitamo 'dhyāyaḥ || 62 ||

[ asminn adhyāye 33 || ślokāḥ ]