<title xml:lang="sa">Vahnipurāṇa Charles LiUniversität Hamburg TST Project 2025 British Library IO SAN 1425 E. 35827. D https://archive.org/details/dli.csl.7856/page/n146/mode/1up

This manuscript from the British Library was used in the editio princeps of the Vahnipurāṇa. There is a colophon in Sanskrit, giving the copy date. A second colophon, written in Hindi, has been deleted with yellow paste. For more information, see Bhowmik 2012, cxxvii.

The śiber upākhyāna extends from ff. 146v–149r.

Vahnipurāṇa śrīgaṇeśāya namaḥ tejomayānām anyonyam ekasmi vividhātmanāṃ bhede vibhinnātā puṃsāṃ trayāṇām astu vaḥ śriye 1|| || ity ādye vahnipurāṇe ākhyānaśatakīrttano nāmādhyāyaḥ samāpta || || || samāptam itiṃ purāṇam āgneyam || ||śubhaṃ || saṃvat 1646 varṣe asvanisudivijaidaśamī budhavāsare | āgarainagare śrī akavarasāhijalāladīmahamadarājye ||

Bound as a book.

 Āgra

From the India Office Library collection.

 Bhowmik, Anasuya, ed. 2012. Vahni-Purāṇam also referred as Āgneya-Purāṇam. Kolkata: Asiatic Society. Eggeling, Julius, ed. 1899. Catalogue of the Sanskrit Manuscripts in the Library of the India Office. Part VI. ark:/13960/t1xd9gj4w

IAST transliteration.

|| maitreya uvāca ||

|| śṛṇu rājan_ pravakṣyāmi svamāṃsaṃ śibinā jathā | dattasvamāṃsaṃ satyaṃ vai purā hy ausānareṇa vā | satyadānarava jñātvā śibim iṃdrāśuśukṣaṇī | jijñāsārthaṃ same yātāṃ varttamāne mahādhvare | vahnir bhūtvā kapotas tu hariḥ śyenā puraḥsaraḥ | śaraṇārthī mahīpālaṃ nililpe bhayavihvalaḥ || trāhi māṃ pṛthivīpaliny avada śyenajād bhayāt | sa tam āśvāsayāmāsa kapotaṃ śaraṇārthinaṃm | rājānam upagamyātha syenaḥ provāca saṃvidam | vacanaṃ śriṇu me rājan_ kṣudhārttasya kuṭuṃbinaḥ | dharmātmānaṃ tvām āhur ye pṛthivyāṃ sarvapārthivaḥ | tadviruddhaṃ kathaṃ karmma karttum ichasi pārthiva | kṛtaghnā bhavatā dānaiḥ sādhunā sādhavo jitāḥ | kṣamayā krūrakarmāṇaḥ satyenānṛtavādinaḥ | sarāgā vītarāgeṇa tathākopena kopayaḥ | satṛṣṇā vītatṛṣṇena tvayāḥ lokāḥ parājitāḥ | sarvasya saṃpadaḥ svārthāni parārthās tu kasyacit | parārthā bhavato nityaṃ saphalasya naror iva | nāpakāraparo py evam upakāravase tataḥ | apakāraparo pi tvam upakāraparaḥ sadā | mamaiva vihito dhātrā bhakṣāyaṃ taṃ samutsṛja | rakṣaṃtam ātmano dharmaṃ kṣudhitasya kapotakaṃ | sa śyenam āha saṃprāptas trāṇārthā sannidhau mama | tyāgo syama kathāṃ kuryā tyāgaṃ sadbhir vigarhitam | lobhā dveṣā bhayād vāpi yas tyajecharaṇāgatam | brahmahatyāsamaṃ tasya pāpam āhur manīṣiṇaḥ | śāstreṣu niṣkṛtir dṛṣṭvā mahāpātakinām api | śaraṇāgatahīnasya na dṛṣṭvā niṣkṛtiḥ kvacit | yathātmanaḥ priyāḥ prāṇāḥ sarveṣāṃ prāṇināṃ tathā | tasmān mṛtyubhayatrastā rakṣitavyāḥ prayatnataḥ | janmamṛtyujarādukhaiḥr magnāḥ saṃsārasāgare | jaṃtavaḥ parikliśyaṃte mṛtyos tasyaṃ tv ime tataḥ | yaṃ nimittaṃ bhavechekas trāsaḥ krodho bhayaṃ tathā | āyāśo vāpi tan mūlam ekāṃ napi na ta tyajet | tathā ca te jīvitam ātmanapriyaṃ tathā pareṣām api jīvitaṃ priyaṃ | saṃrakṣate jīvitam ātmano yathā tathā pareṣām api rakṣa jīvitaṃ | tasmāt tavāhaṃ na samarthaviṣye kapotakaṃ kapotakaṃ vāyabhīti yuktam | tvaṃ manyase tat karavāṇi sarvam ṛte kapotāt khalu satyāv atra ||

|| śyena uvāca ||

bhavaṃti sarvabhūtāni āhāreṇa janeśvara | jīvaṃti parivarddhaṃte āhāreṇa na saṃśayaḥ | āhāraṃ puṣkalaṃ kurva cira jīvati māṇabhṛt | na tv āhāravihīno pi śaknoti jīvituṃ ciram | bhakṣyād vilopitasyāsya mama prāṇa viśāṃ pate | visṛjya kāyaṃ yāsyaṃti paṃthānam apunarbhavam | mṛte mayi nṛpaśreṣṭha yatra dārādikaṃ kulam | vinaśyati kathaṃ dharmo bhavitā te nṛpottama | dharmaṃ yo bādhate martyo na sa dharmaḥ paraṃtapa | avirodhī tu jo dharmmaḥ sa dharmmaḥ sadbhir ucyate | tasmād virodhe dharmasya niścitya gurulāghavam | manyase gauravaṃ yatra tat kuruṣva nṛpottama ||

|| śibir uvāca ||

ekataḥ kratavaḥ sarve samagravaradakṣiṇāḥ | ekato bhavabhītasya prāṇinaḥ prāṇarakṣaṇam | nāto gurutaro dharmmaḥ kaścid anyau sti khecarae | prāṇināṃ bhayabhītānāṃ abhayaṃ jat pradīyate | varam ekasya satvasya pradattaṃ jīvitābhayaṃ na ca viprasya dattaṃ tu gosahasram alaṃkṛtam | kāmadhenugavādīnāṃ dātāraḥ sulabhā bhuvi | abhavaṃ sarvabhūtebhyo yo dadāti dayāparaḥ | tasya dehād vimuktasya kṣayo nāsti kutaścana | dattam iṣṭaṃ tapaḥ satyaṃ tīrthavāsā śrutaṃ tathā | sarvāṇy abhayadānasya kalāṃ nārhaṃti ṣoḍaśīm | catuḥsāgaraparyaṃtāṃ yo dadyāt pṛthivīm imām | abhayaṃ yaś ca bhūtebhyo yo dadāti tato dhikaḥ | api tyaje rājyam ahaṃ śarīraṃ vāpy adustyajaṃm | na tv enaṃ bhayasaṃtrastaṃ tyaje dīnaṃ kapotakaṃ | yan mamāsti śubhaṃ kiṃci tena janmani janmaniḥ | bhave trātā mahātmānaṃm ārttināśāya dehinām | na hy ahaṃ kāmaye rājyaṃ na svargāṃ nāpunarbhavam | prāṇināṃ dukhatatpānāṃ kāmaye duḥṣanāśanam | yathā stutibhṛtāṃ vāṇīm aham etām udāharet | satyena tena bhagavān_ prasīdaṃtu maheśvaraḥ | āhārārthe samāraṃbhas tava cāyaṃ vihaṃgamaḥ | tad yathaiva tavāhāraṃ manyase ta dadāmy aham | śyenaḥ prāha mamāhāro na ṛte tra kapotakam | ta tyaktvā kāmaye nānyam āhāraṃ rājasattama | syenā kapotam aśnāẏaṃ tisthir eṣā sanātanī | mā rājan_ sāram ajñātvā kadalāstaṃdham āruha | rājāpy avocad avyagro vartte nāhaṃ kvacit khaga | dharmmaśāsttropadiṣṭo yaṃ dharmmaḥ satyadayāparaḥ | sarvasarveṣu yad dānam ekasatve tu yā dayā | sarvasatvapradānā ca dayaikātra viśiṣyate | sarvavedā na saṃsturyu sarvaśāstrāṇi khecara | sarvatīrthābhiṣekaś ca yaḥ kuryāt prāṇināṃ dayāṃ | vāṅmanaḥkarmmabhir ye tu sarvabhūtahite ratāḥ | dayādāśitapaṃthāno brahmalokaṃ vrajaṃti te | gachan_ tiṣṭat svayaṃ jāgrad yo hitaṃ na mācaret | parebhyaḥ sa paśur jñeya ātmano py ahitaḥ sa vai | duḥkhinaḥ sukhino vāpi dyāṇino labdhacakṣuṣaḥ | ātmavat paripaśyaṃti te yāṃti paramāṃ gatim | prāṇinaṃ madhyamānaṃ tu yaḥ saktaḥ samupekṣate | sa yāti narakaṃ ghoram iti prāhur manīṣiṇaḥ | tubhyaṃ hi sumaha sya tulyāni svamāṃsāni prayacha me | rājā tam abravīt_ hṛṣṭo yan me māṃsāni yācase | etad yachāmi te sadyaḥ svamāṃsaṃ tulayā dhṛtam | yat prārthito smi bhadraṃ te priyam etad vadāmi te | satyadharmaratasyāsya sataḥ sumahadapriyam | adhruveṇa śarīreṇa pratikṣaṇavināśinā | dhruvaṃ yo nārpyayed dharmma sa socyo mūḍhacetanaḥ | yadi prāṇyupakārāya dehe nopayujyate | tataḥ kim u kāro sya pratyahaṃ kriyate vṛthā | evam uktvā svamāṃsāni kapotena samaṃ nṛpaḥ | utkṛtya tolayāmāsa prahṛṣṭamanasā tataḥ | tyaktvātmasukhabhogechāṃ sarvalokasukhaikhiṇaḥ | bhavaṃti paradukhena sādhavo nityadukhitāḥ | tulayā triyamāṇas tu kapoto vyatir ucyate | punaś cokṛtya māṃsāni tataḥ prādāt sa pārthivaḥ | na vidyate yadā māṃsaṃ kapotena samaṃ kvacit | tataḥ prakṣīṇamāṃso pi sādhuḥ sukhayate param | yadā tena na tulyaṃ tu sa tulyam āruhat svayam | aṃtaḥpuravarastrīṣu na rājye na ca jīvite | karuṇasiktavittena tenāpekṣā kṛtā na ca | paradukhāturā nityaṃ svasuṣoni mahāṃty api | nāpekṣe te mahātmānaḥ sarvabhūtahite ratāḥ | parārtham udyatāḥ saṃtaḥ saṃtaḥ kiṃ kiṃ na kurvate | tādṛg apy aṃbudher ttāri jaladais tat prapāyate | eka eva satāṃ mārgo yad aṃgīkṛtapālana | dahaṃttam akaror kāḍhe pāvakaṃ padayāṃ patiḥ | ātmānaṃ pīḍayitvāpi sādhuḥ sukhayate param | hlādayaty āpitān vṛkṣo duḥkhaṃ ca vasate svayam | atha tasmin_ samārūḍhe puṣpavarṣa papāta va | devaduṃdubhayo nedus tulām auśīnare nṛpe | tatas tasya tadā dṛṣṭvā vākyavedam abhāṣata śakrasvarūpam āsthāya dharmarājñe parāṃ sthitim | iṃdro ham asmi bhadraṃ te kapoto havyavāhanaḥ | jijñāsamātau tvā rājann imaṃ deśam upāgatau | mahākāruṇikeneha ma kṛtam etat supuṣkalam | naiva pūrve nṛpāś cakrur na kariṣyaṃti cāpare | parārthe tyajataḥ prāṇān yā prītir abhavat tavā | prāṇasaṃśayalubdheṣu na sā śaprāṇeṣu dehinām | parārthe yātrakalyāṇī svāśrayārthārthaniṣṭurā | tvayy eva kevalā rājan_ karuṇā karuṇāparā | svakarmapāśaiḥ sudṛḍhair baddhāḥ kṛcham idaṃ jagat | tvaṃ jagadukhamokṣārtha baddhaḥ karuṇayā nṛpa | anāthe vikalā dīne nirddhane thiṃni rogini | adṛṣṭe dṛṣṭapūrve vā tulyaiva karuṇā tava | yathābhibhūya sarvāṇi jotīṃ ṣiṣo vatiṣṭate | tathābhibhūtakaruṇā tava dharmmān avasthitā | akṛtve py āviśiṣṭeṣu dīnān anavamanya ca | agatvā sadṛśaiḥ sārddhaṃ tvaṃ lokottamatāṃ gataḥ | ātmaprāṇaiḥ paraprāṇān_ yo naraḥ parirakṣati | sa yāti paramaṃ sthānaṃ yasmān nāvarttate punaḥ | prāṇair api tvayā rājan rakṣitaḥ kṛpaṇo janāḥ | svamāṃsāny api dattāni dravye anyeṣu kā kathā | paśavo pi hi jīvaṃti kevalān_ sodaraṃbharāḥ | sa jīvati punaḥ ślāghyaṃ parārthaṃ yas tu jīvati | kiṃ kiṃ cātra satyaṃ ye saṃtaḥ parānugrahatatparāḥ | na hi svadehaśāṃtyarthaṃ jāyaṃte caṃdanadrumāḥ | paropakāraṃ vyāpāraḥ paro yaḥ puruṣaḥ sadā | sa paraṃ padam āpnoti parād api hi yat param | paropakāraikamanā sa sukhāya gataspṛhaḥ | jagaddhitāya jāẏaṃte sādhavas tv ādaśā bhuvi | yat te māṃsāni gātrebhyaḥ samutkṛtāni pārthiva | eṣā te sāsvatī kīrttir lokān anu bhaviṣyati | divyarūpadharaś caiva pālayitvā mahāciram | sarvān_ lokān atikramya brahmalokaṃ gamiṣyati | evam uktvā tam iṃdrāgnī janmatus tridaśālayam | rārājā tu atubhiḥ syāṃtaṃ mumude devavat tadā | ya idaṃ śṛṇuyān nityaṃ śibeś varitam uttamam | vimuktaḥ sarvapāpebhyaḥ svargalokaṃ sa gachati ||

|| || ity ādye vahnipurāṇe śiber upākhyānaṃ nāma || ||