<title xml:lang="sa">Adhikaraṇasārāvali with the Adhikaraṇacintāmaṇi & Padayojanā commentaries Charles LiUniversität Hamburg TST Project 2025 Internet Archive ark:/13960/s229w0mfzpj https://archive.org/details/zGYG_adhikarana-saravali-sanskrit-with-chintamani-commentary-by-kumara-vedanta-achary This book was digitized by eGangotri as part of the Padma Bhushan Acharya Vashishth Tripathi Collection, in 2023. AdhikaraṇacintāmaṇiKumāravedāntācārya

IAST transliteration.

cintā॰―uktam evārthaṃ dṛṣṭāntāntareṇāpy upapādayati—yo bālam ity ādinā | yo bālaṃ hanti yas tu striyaṃ hanti yaś ca vā śaraṇāgataṃ hanti yaś ca kṛtaghnaḥ prāyaścittair viśuddhān api tān etān sādhusaṃsṛṣṭyanarhāñ jagaduḥ | smaryate hi―

‘śāstreṣu niṣkṛtir dṛṣṭā mahāpātakinām api śaraṇāgatahantus tu na dṛṣṭā niṣkṛtiḥ kvacit ||’

iti |

tathā ‘kṛtaghne nāsti niṣkṛtiḥ’ iti | evaṃ bālastrīnidhananindāvacanāni pāṭhyani | itthaṃ vacanabalāl loke ca tādṛśām utpathavṛtīnām adhyātmavidbhir aparigrahāc ca sūtrakārair darśitam| kim artham idaṃ śāstram etādṛśaṃ niṣkṛtyabhāvapratipādakaṃ niṣṭhuravacanaṃ vaktīty āśaṅkyāha―śāstram iti | yadi śāstraṃ śāsanīyaṃ bhavati tarhi pāpapravaṇeṣu śāstrasya pāratantryaṃ syād eva tathā ca sampluto dharmasetur iti | kṛtyākṛtyaniyamābhāvas syād iti kṛtaṃ vistareṇa || 415 ||