<title xml:lang="sa">Subhāṣitasudhānidhi Charles LiUniversität Hamburg TST Project 2025 Internet Archive ark:/13960/t22c5c62v https://archive.org/details/SubhasitaSudhanidhiSayanaEd.KrishnamoorthyK This collection of subhāṣitas is attributed to Sāyaṇa, of the 14th century. The edition was made on the basis of six southern manuscripts. Subhāṣitasudhānidhi 4 unnumbered, i-iii, blank, i-iii, blank, 1-16, 1-249, blank, 1-39, i-iii

IAST transliteration.

 || abhayadānapaddhatiḥ || 120 || ekataḥ kratavaḥ sarve samagravaradakṣiṇāḥ | ekato bhayabhītasya prāṇinaḥ prāṇarakṣaṇam || 1 || baddhañjalipuṭaṃ dīnaṃ yācantaṃ śaraṇāgatam | na hanyād ānṛśaṃsyārtham api śatruṃ parantapa || 2 || ārtho vā yadi vā trastaḥ pareṣaṃ śaraṇāgataḥ | ariḥ prāṇān parityajya rakṣitavyaḥ kṛtātmanā || 3 || vinaṣṭaḥ paśyatas tasya rakṣaṇe śaraṇāgataḥ | ādāya sukṛtaṃ tasya sarvaṃ gacched arakṣitaḥ || 4 || vibhīṣaṇo vā sugrīvo yadi vā rāvaṇaḥ svayam | ānayainaṃ naraśreṣṭha dattam asyābhayaṃ mayā || 5 || amitram api cec cainaṃ śaraṇaiṣiṇam āgatam | vyasane yo 'nugṛhṇāti sa vai puruṣa ucyate || 6 || śrūyate ca kapotena śatruḥ śaraṇam āgataḥ | arcitaś ca yathānyāyaṃ svaiś ca māṃsair bhojyata || 7 || sakṛd eva prapannāya tavāsmīti ca yācate | abhayaṃ sarvabhūtebhyo dadāmy etad_ vrataṃ mama || 8 || nṛgaprabhṛtayo rājan_ rājānaḥ śaraṇāgatāḥ | parivārya mahātmānaḥ saṃsiddhiṃ paramāṃ gatāḥ || 9 || sarveṣām eva yajñānāṃ kṣīyate kālataḥ phalam | bhītābhayapradānasya kṣaya eva na vidyate || 10 || dattam iṣṭaṃ tapaḥ satyaṃ tīrthasevā śrutaṃ tathā | sarvāṇy abhayadānasya kalāṃ nārhanti ṣoḍaśīm || 11 || catuḥsāgaraparyantāṃ yo dadyāt pṛthivīm imām | abhayaṃ yas tu bhūtebhyas tayor abhayado 'dhikaḥ || 12 ||