<title xml:lang="sa">Subhāṣitapadyaratnākara, Part 1 Charles LiUniversität Hamburg TST Project 2025 Internet Archive ark:/13960/t0wq57r0r https://archive.org/details/in.ernet.dli.2015.549767 This copy of the first part of Subhāṣitapadyaratnākara was scanned as part of the Digital Library of India initiative and is now preserved at the Internet Archive, uploaded in 2017. The metadata gives the source library as Shri Abhaya Jain Granthalaya, Bikaner. Subhāṣitapadyaratnākara 1-384, 1-7

The metadata gives the source library as Shri Abhaya Jain Granthalaya, Bikaner.

IAST transliteration.

 abhayadāna (3) māryamāṇasya hemādri, rājyaṃ vā 'tha prayacchatu | tad aniṣṭaṃ parityajya, jīvo jīvitum icchati || 1 ||

yoga śāstra (pra॰ sabhā) prṣṭha 71

hema-dhenu-dharādīnāṃ, dātāraḥ sulabhā bhuvi | durlabhaḥ puruṣo loke, yaḥ prāṇiṣv abhayapradaḥ || 2 ||

mārkaṇḍa purāṇa, skandha 2, a॰ 7, śloka 13.

varam ekasya sattvasya, dattā hy abhayadakṣiṇā | na tu viprasahasrebhyo, gosahasram alaṅkṛtam || 3 ||

mārkaṇḍa purāṇa, skandha 2, a॰ 7, śloka 91.

kapilānāṃ sahasrāṇi, yo viprobhyaḥ prayacchati | ekasya jīvitaṃ dadyān na ca tulyaṃ yudhiṣṭhira! || 4 ||

mārkaṇḍa purāṇa, skandha 6, a॰ 13, śloka 52.

jīvānāṃ rakṣaṇaṃ śreṣṭhaṃ, jīvā jīvitakāṅkṣiṇaḥ | tasmāt samastadānebhyo 'bhayadanaṃ praśasyate || 5 ||

mārkaṇḍa purāṇa, skandha 8, a॰ 11, śloka 33.

yo dadyāt_ kāñcanaṃ meruṃ, kṛtsnāṃ caiva vasudharām | ekasya jīvitaṃ dadyān na ca tulyaṃ yudhiṣṭhira! || 6 ||

mārkaṇḍa purāṇa, skaṃdha 8, a॰ 11, śloka 53.

yo dadāti sahasrāṇi, gavām aśvaśatāni ca | abhayaṃ sarvasattvebhyas tad dānam atiricyate || 7 ||

mahā bhārata, śānti parva, a॰ 304, śloka 5.

dattam iṣṭaṃ tapas taptaṃ, tīrthasevā tathā śrutam | sarve 'py abhayadānasya, kalāṃ nārhanti ṣoḍaśīm || 8 ||

mārkaṇḍa purāṇa, a॰ 4, śloka 19.

nāto bhūyas tapodharmaḥ, kaścid anyo 'sti bhūtale | prāṇināṃ bhayabhītānām abhayaṃ yat_ pradīyate || 9 ||

mārkaṇḍa purāṇa, a॰ 11, śloka 5.

mahatām api dānānāṃ, kālena kṣīyate phalam | bhītābhayapradānasya, kṣaya eva na vidyate || 10 ||

mārkaṇḍa purāṇa, a॰ 13, śloka 26.

ekataḥ kāñcano merur bahuratnā vasuṃdharā | ekato bhayabhītasya, prāṇinaḥ prāṇarakṣaṇam || 11 ||

dāna candrikā, śloka 81.

yo bhūteṣv abhayaṃ dadyād, bhūtebhyas tasya no bhayam | yādṛg_ vitīryate danaṃ, tādṛg āsādyate phalam || 12 ||

yogaśāstra, dvitīya prakāśa, śloka 48.

ādeyaḥ subhagaḥ saumyas tyāgī bhogī yaśonidhiḥ | bhavaty abhayadānena, ciraṃjīvī nirāmayaḥ || 13 ||

mahābhārata, śāṃtiparva, a॰ 33, ślo॰ 10.

abhayaṃ sarvabhūtebhyo, dattvā yaś carate muniḥ | na tasya sarvabhūtebhyo, bhayam utpadyate kvacit || 14 ||

mahābhārata, śāntiparva, a॰ 190, śloka 4.

abhayaṃ sarvasattvebhyo, yo dadāti dayāparaḥ | tasya dehād vimuktasya, bhayaṃ nāsti kutaścana || 15 ||

mārkaṇḍa purāṇa, a॰ 18, śloka 8.