<title xml:lang="sa">Vedāṅkuśa Charles LiUniversität Hamburg TST Project 2025 Internet Archive ark:/13960/s293fbmb9b2 https://archive.org/details/vedankusha This copy of the Vedāṅkuśa, attributed to Hemacandra, seems to be the first edition, published in 1918. A second edition was published in 1923; for more information, see Wezler 1993, where the title of the text is rendered as A slap on the face of Brahmins. Vedāṅkuśa <term xml:lang="en">quoting the</term> ItihāsasamuccayaHemacandra 2 unnumbered, 1-36. Folios 5 & 6 out of order. Wezler, Albrecht. 1993. ‘A slap on the face of Brahmins’. Introducing a Little-Known Jain Text of Polemical Objectives. In Jain Studies in Honour of Jozeph Deleu, edited by Rudy Smet & Kenji Watanabe. Tokyo: Hon-no-tomosha. 485–501.

IAST transliteration.

iti॰ yudhiṣṭhira u॰--

yo rakṣet prāṇinaṃ brahman! bhayārttaṃ śaraṇāgatam | tasya puṇyaphalaṃ yat syāt_ tan me brūhi tapodhana! || 106 || ekataḥ kratavaḥ sarve samagravaradakṣiṇām | ekato bhayabhītasya prāṇinaḥ prāṇarakṣaṇam || 107 || idam eva purā devas tulayā samatolayan | prāṇarakṣaṇam eveha gauraveṇātiricyate || 108 || jaṅgamāni ca bhūtāni sthāvarāṇi ca ye narāḥ | ātmavat_ parirakṣanti te yānti paramāṃ gatim || 109 || sarvasattveṣu yad dānam ekasattve ca yā dayā | sarvasattvapradānāc ca dayaikāsmin_ viśiṣyate || 110 || catuḥsāgaraparyantāṃ yo dadyāt_ pṛthivīm imām | abhayaṃ yas tu bhūtebhyas tayor abhayado 'dhikaḥ || 111 || sarve vedā na tat kuryuḥ sarve yajñāś ca bhārata! | sarve tīrthābhiṣekāś ca yat kuryāt prāṇināṃ dayā || 112 || dattam iṣṭaṃ tapas taptaṃ tīrthasevā śrutaṃ tathā | sarvāṇy abhayadānasya kalāṃ nārhanti ṣoḍaśīm || 113 || prāṇinaṃ vadhyamānaṃ yaḥ svaśaktiṃ samupekṣate | sa yāti narakaṃ ghoram iti prāhur manīṣiṇaḥ || 114 || lobhād veṣād bhayād vāpi yas tyajet śaraṇāgatam | brahmahatyāsamaṃ tasya pāpam āhur manīṣiṇaḥ || 115 || śāstreṣu niṣkṛtir dṛṣṭā mahāpātakinām api | śaraṇāgatahantavye na dṛṣṭā niṣkṛtiḥ kvacit || 116 || yūkāmatkuṇadaṃśādīn_ ye jantūṃs tudatas tanum | putravat parirakṣanti te narāḥ svargagāminaḥ || 117 || vane vanadṛṇāhārā prāṇino 'naparādhinaḥ | hantum icchati yo dīnān_ taṃ vidyāt brahmaghātakam || 118 || govraje vā vane cāpi grāme vā nagare 'pi vā | yo 'gniṃ samutsṛjet mūḍhas taṃ vidyāt_ brahmaghātakam ||| 119 || ātmā viṣṇuḥ samastānāṃ vāsudevo jagatpatiḥ | tasmān na vaiṣṇavaiḥ kāryā parihiṃsā viśeṣataḥ || 120 ||